बदलापूर:राष्ट्रवादी काँग्रेस शरद पवार गटाचे शहर अध्यक्ष आणि माजी नगरसेवक शैलेश बडनेरे यांनी आपल्या समर्थकांसह भारतीय जनता पक्षात प्रवेश केला आहे. आमदार किसन कथोरे यांनी त्यांचे स्वागत केले.
शिवसेनेचे माजी नगरसेवक आणि दरम्यानच्या काळात राष्ट्रवादी काँग्रेसमध्ये प्रवेश करून राष्ट्रवादीचे सर्वेसर्वा माजी केंद्रीय मंत्री शरद पवार यांच्या बरोबर राहिलेले शैलेश वडनेरे यांनी राष्ट्रवादीला रामा राम करीत भारतीय जनता पक्षात प्रवेश केला आहे. शैलेश वडनेरे यांनी मुरबाड विधानसभा मतदारसंघाची निवडणूक अपक्ष लढवलेले शैलेश वडनेरे यांनी आमदार किसन कथोरे यांच्या नेतृत्वाखाली भारतीय जनता पक्षात प्रवेश केला. सुप्रीम कोर्टाच्या दणक्यानंतर राज्यात स्थानिक स्वराज्य संस्थांच्या निवडणुकीची हालचाल सुरू झाली आहे. राज्य निवडणूक आयोगाने याबाबत तातडीने पावलं उचलून आता निवडणुकीचा कार्यक्रम जाहीर केला आहे. मतदार याद्या, प्रभाग रचना, नगराध्यक्ष पदांचे आरक्षण,प्रभागाचे आरक्षण असे एका मागे एक कार्यक्रम राज्य निवडणूक आयोगाकडून जाहीर करण्यात येत आहेत. ३१ जानेवारी पूर्वी राज्यात स्थानिक स्वराज्य संस्थांच्या निवडणुका होणार आहेत.
गेल्या विधानसभा निवडणुकीनंतर राजकारणापासून दूर गेलेले शैलेश वडनेरे यांनी अचानक भारतीय जनता पक्षात प्रवेश केला. बदलापूर पूर्वेकडील दत्तवाडी, शिवाजी चौक भागात शैलेश वडनेरे हे गेल्या वेळेस बदलापूर शहरात सर्वाधिक मताधिक्याने निवडून आलेले नगरसेवक होते. यंदा प्रथमच द्वीसदस्यीस प्रभाग व थेट नगराध्यक्षपदाची निवडणूक असल्याने ही निवडणूक चुरशीची होणार आहे. त्यामुळे शैलेश वडनेरे यांनी केलेल्या भाजप प्रवेशानंतर आता बदलापूर पूर्वेकडील ज्या भागात भाजपाचे वर्चस्व कमी होतं तेथे भाजपला एक मजबूत दावेदार मिळाला आहे. शैलेश वडनेरे यांनी भारतीय जनता पक्षात प्रवेश केल्या नंतर आमदार किसन कथोरे यांनी त्यांचे स्वागत करत सर्व स्थानिक आजी-माजी कार्यकर्त्यांशी चर्चा केल्यानंतरच शैलेश वडनेरे यांना पक्षात प्रवेश दिल्याचं सांगितले. स्थानिक स्वराज्य संस्थांच्या निवडणुकीत कोणत्याही स्थानिक कार्यकर्त्यांवर अन्याय नहोऊन देता बदलापूर नगरपालिका जिंकण्यासाठी सगळ्यांनी एक दिलाने काम करण्याचं आवाहन आमदार किसन कथोरे यांनी या पक्षप्रवेशा वेळी केलं.
भारतीय जनता पक्षाचे प्रवक्ते माजी नगराध्यक्ष राजेंद्र घोरपडे, जिल्हा महामंत्री माजी नगरसेवक संभाजी शिंदे, अध्यक्ष किरण भोईर, माजी उपनगराध्यक्ष शरद तेली, माजी नगरसेवक रमेश सोळसे, उत्तम विषे, माजी नगरसेवक स्वामी दार्विन, दिनेश कथोरे आदी पदाधिकारी आणि कार्यकर्ते मोठ्या प्रमाणावर यावेळी उपस्थित होते.
यापूर्वी असलेले राजकीय मतभेद, मनभेद विसरून भारतीय जनता पक्षाचा झेंडा नगरपालिकेवर फडकवण्यासाठी आपण सर्वतोपरी प्रयत्न करून करू अशी प्रतिक्रिया शैलेश वडनेरे यांनी भारतीय जनता पक्षात प्रवेश केल्या नंतर व्यक्त केली.
