बदलापूर :कुळगाव बदलापूर नगरपालिकेच्या नगराध्यक्ष पदाची आरक्षण सोडत संपन्न झाल्यानंतर बुधवारी प्रभाग आरक्षण सोडतीचा कार्यक्रम पार पडला. यावेळी अनुसूचित जाती, अनुसूचित जमाती, नागरिकांचा मागास प्रवर्ग आणि महिला आरक्षण सोडत काढण्यात आली. या सोडतीनंतर निवडणुकांचे चित्र जवळपास निश्चित झाले असून अनेकांनी तयारीला सुरूवात केली आहे. काही प्रभाग महिलांसाठी आरक्षित झाल्याने इच्छूक पुरूष उमेदवारांनी पत्नीसाठी तयारी सुरू केल्याची चर्चा आहे. शहरात आरक्षण सोडतीवर संमिश्र प्रतिक्रिया उटमत आहेत.
सुमारे १० वर्षांपूर्वी झालेल्या निवडणुकांनंतर पहिल्यांदाच होणाऱ्या पालिका निवडणुकांसाठी शहरातील राजकीय पदाधिकारी सज्ज झाले आहेत. गेल्या काही दिवसांपासून निवडणुकांच्या पूर्वतयारीचा कार्यक्रम सुरू झाला आहे.काही दिवसांपूर्वी दोन्ही शहरातील प्रारूप प्रभाग रचना जाहीर झाल्या होत्या. त्यावर सूचना आणि हरकतीनंतर अंतिम प्रभाग रचना जाहीर करण्यात आला. त्यांना मंजुरी मिळाल्यानंतर शहरातील प्रभाग आरक्षणाची तयारी पालिका-प्रशासनाने केली होती. त्यातच सोमवारी राज्यातील नगर परिषदा, नगर पंचायतींचे नगराध्यक्ष पदाचे आरक्षण जाहीर करण्यात आले.
कुळगाव बदलापूर नगरपालिकेचे नगराध्यक्ष पद हे नागरिकांचा मागास प्रवर्ग (ओबीसी) महिलांसाठी आरक्षित झाले आहे. या निर्णयानंतर शहरातील महिला पदाधिकाऱ्यांमध्ये उत्साहाचे वातावर आहे. मात्र नगराध्यक्ष पदासाठी गुडघ्याला बाशिंग बांधून बसणाऱ्या पुरूष इच्छुकांना मोठा धक्का बसला आहे. दहा वर्षांपूर्वी ज्यांची नगराध्यक्षपदाची संधी हुकली अशा वजनदार माजी नगरसेवकांना पुन्हा काही वर्षे या पदासाठी वाट पाहावी लागणार आहे. त्याच धर्तीवर बुधवारी प्रभाग आरक्षणाची सोडत संपन्न झाली.कल्याण उपविभागीय अधिकायांच्या उपस्थितीत ही सोडत पार पडली. यावेळी अनुसूचित जमाती, अनुसूचित जाती, नागरिकांचा मागास प्रवर्ग आणि सर्व आरक्षित प्रभागातील तसेचसर्वसाधारण महिलांच्या आरक्षणाची सोडत संपन्न झाली.
या सोडतीनंतर संमिश्र प्रतिक्रिया आल्या. मात्र या आरक्षण सोडतीनंतर आता निवडणुकीचे चित्र मोकळे झाले असून उमेदवारांची तयारी सुरू झाली आहे.
शवसेना शहरप्रमुख वामन म्हात्र याना निवडणुकाच्या रिगणात आघाडी घेत बुधवारी रात्री संपन्न झालेल्या पक्ष प्रवेशाच्या कार्यक्रमात काही प्रभागातील उमेदवारांच्या नावाची घोषणा केली आहे. शहरात शिवसेना आणि भाजप यांच्यात खरी लढत होणार आहे. त्यादृष्टीने वामन म्हात्रे यांनी निवडणुकीच्या पार्श्वभूमीवर उमेदवारांच्या नावांची घोषणा करून पालिका निवडणुकीत आघाडी घेतल्याचे दिसून येत आहे.
कुळगाव बदलापूर नगरपालिकेत एकूण ४९ जागांसाठी २४ प्रभाग असणार आहेत. त्यातील २७जागा खुल्या प्रवर्गासाठी, त्यातील १३ जागा महिलांसाठी, अनुसूचित जातीसाठी ७ जागा त्यातील जागा महिलांसाठी, अनुसूचित जमातीसाठी २ जागा त्यातीला एक जागा महिलांसाठी असणार आहे. नागरिकांच्या खुल्या प्रवर्गासाठी १३ जागा असून त्यातील ७ जागा महिलांसाठी घोषीत करण्यात आल्या आहेत.
