बदलापूर : ढोल ताशाच्या गजरात, गुलालाची उधळण करीत पांरपारिक वेशभूषेत, गणपती बाप्पा
मोरया पुढच्या वर्षी लवकर या असा जयघोष करीत बदलापूर शहरातील दीड दिवसाचे ३७९५
पाच दिवसाचे २९५४ सात दिवसाचे ७५०९ व दहा दिवसाचे ३२१० एकूण १७४६८
गणेशमुर्तीचे विसर्जन करण्यात आले. अशी माहिती कुळगाव बदलापूर नगरपालिका प्रशासनामार्फत प्रसिद्ध करण्यात आलेल्या पत्रकाद्वारे देण्यात आली आहे.
यंदाच्या गणेश उत्सवात विसर्जित करण्यात आलेल्या एकूण मूर्तींपैकी ४३ सार्वजनिक मुर्ती तर १७५११ घरगुती गणेश
मुर्तीचा समावेश आहे. शहरात पर्यावरण पुरक शाडु मातीच्या २२४७ मुर्ती विसर्जन करण्यात आल्या. विसर्जनासाठी शहरात एकूण १० नैसर्गिक ठीकाणे व ८ कृत्रीम तलावाची निर्मिती करण्यात आली होती सर्व ८ कृत्रिम तलावात एकूण ४ हजार ९९२ गणेश मुर्तीचे विसर्जन झाले. तसेच विसर्जनाच्या ठिकाणी मुख्याधिकारी मारुती गायकवाड यांच्या मार्गदर्शनाने विसर्जन व्यवस्था केली होती, त्या ठिकाणी लायटींग, बॅरकेटींग, सीसीटिव्ही अग्निशमन यंत्रणा वैद्यकिय पथक, तराफा इत्यादी सुविधा करण्यात आल्या होत्या. सर्व विसर्जन ठिकाणी अधिकारी/कर्मचारी व नगरपरिषदेचे पोहणारे कर्मचाऱ्यांची नेमणूक करुन विसर्जन त्यांच्या कडून करुन घेण्यात आले त्यामुळे नागरीकांनी समाधान व्यक्त केले.
बदलापूर नगरपरिषद हद्दीतुन उल्हास नदी जात असल्याने मोठ्या प्रमाणात गणेश मुर्तीचे विसर्जन होत असते. नगरपरिषदेने त्या ठिकाणी चौपाटी तयार केलेले असल्याने मोठे गणपती व घरगुती मुर्ती विसर्जनाची संख्या जास्त असते व मोठ्या प्रमाणात गर्दी असते. बदलापूर पश्चिम पोलीस स्टेशन यांच्या कडून कायदा सुव्यवस्थेच्या दृष्टीने कडेकोट बंदोबस्त तैनात केला होता त्यामुळे शिस्तबध्द पध्दतीने विसर्जन झाले. त्यात अनिरुध्द बापू अकादमीचे मोलाचे सहकार्य मिळाले. तसेच डॉ. श्री. नानासाहेब धर्माधिकारी प्रतिष्ठान यांनी निर्माल्यतून खतनिर्मीती करण्यासाठी निर्माल्यांचे विलगीकरण केले.
