बदलापूर:बदलापूर सारख्या झपाट्याने विकसित होणाऱ्या शहरामध्ये काही ठिकाणी मात्र रस्त्याची अवस्था खूप वाईट झाली आहे. लाखो रुपये खर्च करून देखील नागरिकांच्या मनासारखं काम होत नाही शनीनगरच्या रस्त्यालगतच्या असलेल्या पेव्हर ब्लॉक मध्ये आतून पोकळी तयार झाली आहे व पूर्ण पेव्हर ब्लॉक आतून खचले आहेत त्यामुळे वाहन चालकांच्या मनात गाडी चालवताना भीती वाटत आहे.
लाखो रुपये खर्च करून सुद्धा नागरिकांच्या मनासारखं काम होत नाही शनीनगर रस्ता हा बदलापूर पश्चिम येथील एक महत्त्वाचा रस्ता आहे. हेंद्रेपाडा, शनिनगर, मांजरली,मोहनानणंद नगर,रमेश वाडी या भागांना जोडणारा हा महत्त्वपूर्ण मार्ग आहे.याच रस्त्याच्या शेजारून शहरातील सर्वात मोठा नाळा वाहतो तो पुढे जाऊन उल्हास नदीला मिळतो. या नाल्याच्या संरक्षण भिंतीला लागूनच हा रस्ता आहे रस्त्यालगतची पिव्हर ब्लॉकची पट्टी पोकळ झाल्यामुळे चालकांना अपघाताची भीती वाटत आहे.
येथे वर्षभर वाहणारा नाला असल्यामुळे अपघाताची तीव्रता गंभीर ठरू शकते. त्यामुळे पालिका प्रशासनाने वेळीच लक्ष देऊन दुरुस्ती करावी; तसेच काम पूर्ण झाल्यावर कामाचा दर्जा पाहूनच ठेकेदाराला बिले द्यावीत, अशी मागणी बदलापूरकर करत आहेत.
