बदलापूर(प्रतीक टोपले.) गेल्या २१ वर्षांपासून बदलापूर रेल्वे स्थानकावर दसरा साजरा केला जातो. त्याचप्रमाणे यंदाही ७:५६ गाडीतील प्रवशांकडून दसरा साजरा करण्यात आला. सर्व प्रवाशांनी परंपरिक वेशभूषा परिधान करून फुलांनी भरलेल्या लोकल गाडीची पूजा केली.
बदलापूर कडून ठाण्याला जाणाऱ्या ह्या लोकलमध्ये हजारो प्रवाशी प्रवास करत असतात.दररोज प्रवास करणाऱ्या या प्रशांसाठी ही लोकल एक जीवनवाहिनी बनली आहे. या जीवनवाहिनी प्रती कृतज्ञता व्यक्त करण्यासाठी बदलापूर रेल्वे स्थानकावरील प्रवाशी दरवर्षी विजयादशमीच्या आधल्या दिवशी लोकल पूजन सोहळा आयोजित करतात.
लोकलमधील प्रवाशांकडून लोकल चालकाचा विशेष सत्कार केला जातो. प्रवाशांकडून लोकल मध्ये पताके, फुगे, माळा, हार लावून लोकल सजवळी जाते.
बदलापूर रेल्वे स्थानकावर गेल्या २१ वर्षांपासून ७:५६ गाडीतील ११ व्या डब्ब्यात दसरा साजरा केला जातो. सुरवातीला या डब्ब्यातील ५ जणांनी दसरा साजरा करायला सुरवात केली होती ती संख्या आता ४० झाली आहे. प्रत्येक डब्ब्यामध्ये पूजा केली जाते परंतु ७:५६ च्या ११ डब्ब्यातील प्रवाशांनी ही परंपरा सुरु केली होती. सुरवातीला जीवन शिरसंगे, सुरेंद्र मिर्जाकर, पंडित सर, आणि लक्ष्मण गाडे या पाच प्रवाशांनी ही परंपरा सुरु केली.
हा सोहळा म्हणजे केवळ पूजन नाही तर आपल्या जीवनातील एक साथीदार असलेली जीवनवाहिनी आहे. ती आपल्या संकेतस्थानी पोहचवण्याचा आणि वापस हाणायचा काम करते त्या माऊलीसाठी एक कृतक्षता व्यक्त करण्याचा एक प्रयत्न आहे. दर वर्षीप्रमाणे दसऱ्याच्या आधल्या दिवशी आम्ही सर्व प्रवाशी मोठ्या प्रमाणात उपस्तित राहून लोकलची पूजा करतो.अशी माहिती रेल्वे प्रवाशी विशाल टोपले यांनी दिली.
