बदलापूरःकल्याण लोकसभा मतदारसंघाचे खासदार डॉ.श्रीकांत एकनाथ शिंदे यांच्या पुढाकाराने आणि संकल्पनेतून अंबरनाथ शहरात धर्मवीर आनंद दिघे नाट्यमंदिर उभारण्यात आले आहे.नव्याने उद्घाटन झालेल्या धर्मवीर आनंद दिघे नाट्यगृहात सध्या नाट्य महोत्सव सुरू आहे.या नाट्यमहोत्सवाच्या निमित्ताने दर्जेदार नाटके अंबरनाथकरांसाठी मोफत आयोजीत करण्यात आली आहे. सही रे सही, करून गेलो गाव,आज्ञ्जीबाई जोरात,सखाराम बाईंडर,संगीत देवबाभळी,मी वर्सेस मी यासर्व नाटकांना रसिक प्रेक्षकांना भरभरून प्रतिसाद देत सर्व प्रयोग हाऊसफुल्ल केले.तर पुरुष आणि शिवबा या नाटकांसाठी देखील रसिक प्रेक्षक उत्सुक असून या नाट्यमहोत्सवाबाबत खासदार डॉ.श्रीकांत एकनाथ शिंदे यांचे आभार देखील मानत आहेत.
कल्याण लोकसभा मतदारसंघाचे खासदार डॉ.श्रीकांत एकनाथ शिंदे यांच्या पुढाकाराने आणि संकल्पनेतून अंबरनाथ पश्चिम येथे भव्य नाट्यगृह उभारण्यात आले आहे. सुमारे६५८ प्रेक्षक संख्या असलेले हे नाट्यगृह आता रसिक प्रेक्षकांसाठी अनोखी सांस्कृतिक पर्वणी ठरत आहे. रविवारी या नाट्यगृहाचे लोकार्पण करण्यात आले.यावेळी भरत जाधव यांचे पुन्हा सही रे सही या नाटकाचा प्रयोग पार पडला.याला रसिकांनी उत्स्फूर्त असा प्रतिसाद दिला.त्यानंतर सही रे सही,करून गेलो गाव,आज्जीबाई जोरात,सखाराम बाईंडर,संगीत देवबाभळी यासर्व नाटकांना रसिक प्रेक्षकांना भरभरून प्रतिसाद दिला.धर्मवीर आनंद दिघे नाट्यमंदिराच्या उभारणीमुळे अंबरनाथ शहराच्या सांस्कृतिक विश्वात एक नवे पर्व सुरु झाले असून,येथील रसिक प्रेक्षक आणि रंगकर्मी यांना उत्कृष्ट कलाकृतींसाठी एक आधुनिक व्यासपीठ प्राप्त झाले आहे.
आसपासच्या शहरातील रसिकही नाटकासाठी अंबरनाथमध्ये अंबरनाथ शहरासह नेरळ,कर्जत,बदलापूर,अंबरनाथ ग्रामीण आणि कल्याण तालुक्यातील रसिक प्रेक्षकही अंबरनाथच्या धर्मवीर आनंद दिघे नाट्यगृहात गर्दी करत आहेत.तर शनिवारी पुरुष नाटक आणि रविवारी शिवबा महानाट्य प्रयोग पार पडणार आहे.
