बदलापूर:ठाणे जिल्ह्यातील पाच पंचायत समिती सभापती पदाच्या आरक्षणाची सोडत गुरुवारी संपन्न झाली.यात अंबरनाथ पंचायत समिती सभापती पद हे सर्वसाधारण महिलेसाठी आरक्षित झाले आहे.
जिल्हाधिकारी डॉ. श्रीकृष्ण पांचाळ यांच्या अध्यक्षतेखाली पार पडलेल्या या सभेत एकूण पाच समित्यांचे आरक्षण सोडतीद्वारे जाहीर करण्यात आले.शहापूर पंचायत समिती शेत्र हे सर्व संपूर्ण अनुसूचित जमाती असल्यामुळे शहापूर पंचायत समिती साठी अनुसूचित जमाती महिलेसाठी पर आरक्षित झाले आहे.
तसेच बिगर अनुसूचित क्षेत्रातील तीन तालुक्यांसाठी आरक्षण निश्चित करून देण्यात आले आहे. त्यानुसार अनुसूचित क्षेत्र बाहेरील अनुसूचित जमातीसाठी एक पंचायत समिती राखीव ठेवण्यात आली आहे त्यामध्ये लोकसंख्येच्या निकषानुसार हे आरक्षण यावेळी भिवंडी तालुका पंचायत समिती साठी राखीव झाले आहे.
मुरबाड पंचायत समिती सभापती पदासाठी “सर्वसाधारण”हे आरक्षण जाहीर झाले आहे.
कल्याण पंचायत समिती सभापती पदासाठी नागरिकांचा मागास प्रवर्ग तर अंबरनाथ पंचायत समिती सभापती पदासाठी सर्वसाधारण महिलांसाठी आरक्षण जाहीर करण्यात आला आहे.
