बदलापूर:ठरलं तर मग यंदा महिलाराज! बदलापूर-कुळगाव नगरपालिका नगराध्यक्ष पदासाठी आजची सोडत संपन्न झाली असून, हे पद यंदा ओबीसी महिला प्रवर्गासाठी राखीव करण्यात आलं आहे.
नगराध्यक्ष पदासाठी कोणता प्रवर्ग ठरेल, याची उत्सुकता आज अखेर संपली आणि आजच्या लकी ड्रॉ (सोडत) प्रक्रियेनंतर स्पष्ट झालं की, आता बदलापूरच्या नगराध्यक्षपदी ओबीसी महिला विराजमान होणार आहे.
या निर्णयामुळे शहरात राजकीय घडामोडींना वेग आला आहे. संभाव्य उमेदवारांची नावे चर्चेत आली असून, विविध राजकीय पक्षांनी आपापल्या ओबीसी महिला उमेदवारांची चाचपणी सुरू केली आहे.
निवडणुकीच्या पार्श्वभूमीवर ही राखीव सोडत महत्त्वाची ठरत असून, शहराच्या नेतृत्वात आता महिलांचा प्रभाव अधिक जाणवणार आहे.
