परशुराम आर्थिक विकास महामंडळाचे अध्यक्ष
कॅप्टन आशिष दामले यांना कॅबिनेट मंत्री दर्जा बहा
बदलापूर : राज्याच्या परशुराम आर्थिक विकास महामंडळाचे अध्यक्ष आशिष दामले यांना राज्य सरकारच्या नियोजन विभागाने १६ सप्टेंबर रोजी काढलेल्या शासन निर्णयानुसार आशिष दामले यांना मंत्री दर्जा आणि सोयी सुविधआ देण्यात आला आहे. राज्याच्या महामंडळाचे अध्यक्ष हे पदसिद्ध राज्यमंत्री असतात. मात्र आशिष दामले यांना परशुराम आर्थिक विकास महामंडळाच्या माध्यमातून कॅबिनेट मंत्री दर्जा बहाल करण्यात आला आहे.
आशिष दामले हे राष्ट्रवादी कॉंग्रेस पक्षाचे आणि विशेषत पवार कुटुंबियांचे निकटवर्तीय मानले जातात. त्यांच्या या निवडीने अनेकांना धक्का बसला. आशिष दामले यांनी या नव्या मंडळाच्या कामाला सुरूवात केली होती. राज्यातील महामंडळाचे अध्यक्ष हे पदसिद्ध राज्यमंत्री असतात. त्यांना तसा दर्जा मिळतो. नव्याने स्थापन झालेल्या या मंडळाला नव्याने अधिकाऱ्यांचीही मदत देण्यासाठी त्यांची नियुक्ती करण्यात आली. त्यांनंतर आता या मंडळाचा कारभार सुरू आहे. वर्षभरात राज्यभर फिरून मंडळाचे काम करीत असताना त्यांनी आतापर्यंत राज्यभर ८० दौरे केले आहेत.
राज्याच्या नियोजन विभागाने मंगळवारी कॅबिनेट बैठकीच्याच दिवशी याबाबतचा शासन निर्णय जाहीर केला आहे. त्यानुसार परशुराम आर्थिक विकास महामंडळाच्या अध्यक्षांना मंत्री पदाचा दर्जा देण्याचा निर्णय घेण्यात आला आहे. मुख्यमंत्री देवेंद्र फडणवीस, उपमुख्यमंत्री अजित पवार आणि एकनाथ शिंदे यांनी दाखवलेल्या विश्वासाबद्दल मी त्यांचा आभारी आहे, अशीही भावना दामले यांनी व्यक्त केली आहे.
