मुंबई :आज रात्री आकाशात चंद्रग्रहण दिसणार आहे. हे चंद्रग्रहण भारतासह आशिया, युरोप, आफ्रिका आणि ऑस्ट्रेलिया या खंडांमध्ये दिसणार असून खगोलप्रेमींसाठी ही एक विशेष संधी ठरणार आहे.
हे चंद्रग्रहण रात्री उशिरा सुरू होऊन मध्यरात्रीपर्यंत राहणार आहे. भारतात हे ग्रहण पूर्ण स्वरूपात दिसणार असून नागरीकांना स्पष्टपणे निरीक्षण करता येईल. तज्ज्ञांच्या माहितीनुसार, हे आंशिक चंद्रग्रहण (Partial Lunar Eclipse) आहे. ग्रहणावेळी चंद्राचा काही भाग पृथ्वीच्या सावलीत जाईल, त्यामुळे तो गडद तांबूस रंगाचा दिसेल. तसेच पूर्ण चंद्रग्रहणादरम्यान चंद्र सूर्योदय आणि सूर्यास्तासारखाच दिसेल. सूर्य, पृथ्वी आणि चंद्र एका सरळ रेषेत आल्याने, सूर्याचा प्रकाश पृथ्वीच्या वातावरणातून जातो, जो निळा प्रकाश विखुरतो आणि लाल रंगात बदलतो, त्यामुळे चंद्र लाल दिसतो, यालाच ‘ब्लड मून’ म्हणतात.
* ग्रहणाची वेळ (भारतीय प्रमाणवेळेनुसार):
ग्रहणाची सुरुवात : रात्री ८.३५ वा.
मध्यम अवस्था : रात्री १०.१५ वा.
समाप्ती : मध्यरात्री १२.०५ वा.
पौराणिक श्रद्धेनुसार, चंद्रग्रहणाचा धार्मिक दृष्ट्याही महत्त्व आहे. त्यामुळे अनेक ठिकाणी मंदिरे बंद राहणार असून ग्रहणकाळ संपल्यानंतर स्नान, जप व दानधर्माची परंपरा पाळली जाणार आहे. खगोलतज्ज्ञांच्या मते, आकाश निरीक्षणासाठी हे ग्रहण उत्तम संधी असून दूरबीन किंवा दुर्बिणीच्या साहाय्याने चंद्राचा अद्भुत नजारा पाहता येईल. नागरिकांनी ही खगोलीय घटना सुरक्षितपणे आणि उत्साहाने अनुभवावी, असे आवाहन खगोलशास्त्रज्ञांनी केले आहे. तसेच हे वर्षातील शेवटचे चंद्रग्रहण भाद्रपद पौर्णिमेच्या रात्री लागेल. याच दिवसापासून पितरांप्रती श्रद्धा व्यक्त करण्याचे विधीही सुरू होतील. काशीच्या विद्वान पंडितांचे म्हणणे आहे की, श्राद्ध कर्मावर चंद्रग्रहणाच्या सुतकाचा प्रभाव पडत नाही.
