बदलापूर: शैक्षणिक वर्षाची सुरुवात आज दि. 16 रोजी पासून होत आहे. यानिमित्त कुळगाव बदलापूर नगरपालिका शाळेत प्रवेशोत्सव कार्यक्रमाचे आयोजन करण्यात आले. विविध उपक्रमांद्वारे चिमुकल्यांचे स्वागत करण्यात येणार आहे.
कुळगाव बदलापूर नगरपालिका ISO मानांकन प्राप्त शाळा क्रमांक 15 एरंजाड येथे प्रवेशोत्सवाचा कार्यक्रम आयोजित करण्यात आला.
सदर कार्यक्रमास कुळगाव बदलापूर नगर परिषदेचे प्रशासक तथा मुख्याधिकारी मारुती गायकवाड तसेच त्यांच्या समवेत कुळगाव बदलापूर नगरपरिषदेचे शिक्षण विभाग प्रमुख गोमासे, कैलास जामनिक, सुभाष सोळसे, केंद्र समन्वयक तथा शालेय व्यवस्थापन समिती सदस्य यांची उपस्थिती होती.
सर्वप्रथम सर्वप्रथम सकाळी प्रभात फेरी काढून विद्यार्थ्यांना शाळेत दाखल करा, आपल्या पाल्याचा प्रवेश आजच आपल्या शाळेत निश्चित करा,अशा घोषणा देत प्रभात फेरी काढण्यात आली.सर्व विद्यार्थ्यांचे हसून स्वागत करण्यात आले. मुख्याधिकारी मारुती गायकवाड यांनी इयत्ता पहिलीच्या विद्यार्थ्यांना पुस्तके, गणवेश व मुख्याध्यापिका वृषाली बोराडे मॅडम यांच्याकडून इयत्ता पहिलीच्या विद्यार्थ्यांना स्कूल बॅगचे वाटप करण्यात आले. इयत्ता पहिलीच्या विद्यार्थ्यांना मुख्याधिकारी गायकवाड यांनी चिक्की व गुलाबपुष्प देऊन त्यांचे स्वागत केले.
शिक्षण विभाग प्रमुख गोमासे यांनी देखील इयत्ता पहिलीच्या विद्यार्थ्यांना मोफत बॅग, पुस्तके, गणवेश यांचे वाटप केले. त्यांच्या समवेत उपस्थित दोन्ही केंद्राचे केंद्र समन्वयक आदरणीय जामनिक सर व सोलसे सर यांनी देखील विद्यार्थ्यांना बॅग, पुस्तके व गणवेश देऊन स्वागत केले.
मुख्याधिकारी यांनी शाळेच्या शैक्षणिक वर्षासाठी सर्व शिक्षकांना व विद्यार्थ्यांना शुभेच्छा दिल्या तसेच शाळेच्या प्रगतीचा आलेख सदैव उंचावत राहो अशी अपेक्षा सर्व शिक्षक व मुख्याध्यापक यांच्याकडून केली आहे. कार्यक्रमांती सर्व मान्यवरांनी इयत्ता पहिलीच्या विद्यार्थ्यांसोबत फोटो घेतले अशा प्रकारे प्रवेशोत्सवाचा कार्यक्रम अतिशय आनंदी आणि उत्साही वातावरणात पार पडला.
