जवळपास दोन महिने चाललेल्या आणि विक्रमी कामगिरीने गाजलेल्या प्रो कबड्डी लीग च्या बाराव्या पर्वाचा थरार अखेर संपला. पुणेरी पलटण संघाला दोन गुणांनी पराभूत करून दबंग दिल्ली केसी संघ ठरला अंतिम विजेता.
दिल्लीतील त्यागराज स्टेडियमवर काल दबंग दिल्ली केसी व पुणेरी पलटण या दोन संघांमध्ये फायनलचा सामना रंगला.दबंग दिल्ली संघाने पुणेरी पलटन संघाचा 31-28 ने पराभव करून प्रो कबड्डी लीग 12 ची ट्रॉफी पटकवाली. प्रो कबड्डी लीगच्या इतिहासात दबंग दिल्ली केसी संघाने दुसऱ्यांदा विजेतेपद पटकावले. शेवटच्या दीड मिनिटात पुणेरी पलटण संघाला सामना फिरवण्याची संधी होती, पण दबंग दिल्लीच्या डिफेंडरनी आदित्य शिंदेला पकड करून ऐतिहासिक विजय मिळवला. याआधी दबंग दिल्ली केसी हा संघ प्रो कबड्डी लीगच्या आठव्या पर्वामध्ये अंतिम विजयी संघ ठरला होता.
