बदलापूर : येथील कुळगाव बदलापूर नगर परिषदेच्या शाळांमध्ये आषाढी एकादशीच्या पूर्वसंध्येला शनिवार दिनांक ५ जुलै २०२५ रोजी सर्व शाळांमध्ये दिंडीचे आयोजन केले होते. शाळांचा परिसर अगदी चैतनमय आणि उत्साही वातावरणामध्ये विद्यार्थी पारंपरिक वेशभूषा करून आले होते.यानिमित्ताने सर्व लहान लहान मुले विविध वेशभूषा सह तुळशीचे रोपटे घेऊन आले होते. शाळेच्या आसपासच्या परिसरामध्ये विद्यार्थीनी ही साक्षरता दिंडी काढली होती या दिंडीमधील विठोबा रखुमाई आणि वारकऱ्यांची वेशभूषा केलेल्या विद्यार्थ्यांनी उपस्थित नागरिकांचे लक्ष वेधून घेतले होते. टाळ मृदुंग. ढोल आणि साउंड वर भक्ती गीत लाऊन विद्यार्थी मनोसक्त भक्तिरसात न्हाऊन गेले होते.
अतिशय भक्तिमय अशा वातावरणात नगरपालिकेच्या शाळांमधील प्राथमिक वर्गातल्या विद्यार्थ्यांनी आषाढी एकादशी साजरी केली. विठोबाचे वेशभूषा रकमेची वेशभूषा तसेच पर्यावरण पूरक संदेश या दिंडी मधून विद्यार्थ्यांनी दिला. महाराष्ट्राचे वैभव असलेले श्री क्षेत्र पंढरपूर येथील श्री विठोबा माऊली चे परंपरेनुसार दिंडी मार्फत जागर करण्यात आला. नगरपरिषदेच्या पर्यावरण पूरक शाळा एरंजाड शाळेमध्ये शनिवारी साक्षरता दिंडीचे आयोजन केले होते यानुसार सर्व एरंजाड गावातील नागरिकांना साक्षरतेबाबत जनजागृती दिंडीच्या रूपाने करण्यात आली. विद्यार्थ्यांनी हातामध्ये शिक्षणाचे महत्त्व सांगणारे फलक घेऊन संपूर्ण गाव पिंजून काढला होता व सोबत माऊली माऊली चा जयघोष सुरू होता.
पावसाळ्याच्या या छोट्या विद्यार्थ्यांनी, वारकरी संप्रदायाचे दैवत असलेल्या श्री विठ्ठलाचा जयघोष करत आणि ‘रामकृष्ण हरी’ हा वारकऱ्यांचा जप मंत्र जपत “पुंडलिक वरदे हरी विठ्ठल, श्री ज्ञानदेव तुकाराम ” जयघोष वाक्य उच्चारत, भगवे झेंडे, मुल मुली पारंपरिक वेशामध्ये टाळ मृदुंग वीणा ,चिपळ्या तसेच साऊंड सिस्टिम वर अभंग वाजवत या बाल वारकऱ्यांनी आपल्या शाळेतील परिसर दुमदुमून सोडला. विष्णुमय जग, वैष्णवांचा धर्म भेदाभेद भ्रम अमंगळ या वारकऱ्यांच्या ब्रीदवाक्याचे कुळगाव बदलापूर नगर परिषदेच्या विद्यार्थ्यांनी आजच्या काळात तंतोतंत अनुरूप केले आहे.
याप्रसंगी सर्व शाळांचे मुख्याध्यापक आणि शिक्षक वृंद उपस्थित होते तसेच मोठ्या संख्येने पालक आणि ग्रामस्थ सहभागी झाले होते.
