मुंबई: भारतीय भालाफेकपटू नीरज चोप्राने पॅरिस डायमंड लीग 2025 मध्ये 88.16 मीटर भालाफेक करून प्रथम क्रमांक पटकावला. आठ वर्षांनंतर नीरजने या स्पर्धेत जोरदार पुनरागमन केले आहे. त्याच्या या विजयामुळे क्रीडा क्षेत्रात आनंदाची लहर पसरली आहे. शुक्रवारी रात्री स्टार भालाफेकपटू नीरज चोप्राने इतिहास रचला. त्याने जर्मनीच्या ज्युलियन वेबरला हरवून दोन वर्षांनंतर पहिले डायमंड लीग विजेतेपद जिंकले. नीरजने पहिल्याच प्रयत्नात 88.16 मीटरचा जबरदस्त थ्रो करत स्पर्धेची आघाडी घेतली आणि अखेरपर्यंत ती टिकवली. त्यानंतर त्याचा दुसरा थ्रो 85.10 मीटरचा होता. मात्र तिसरा, चौथा आणि पाचवा प्रयत्न फाउल ठरले. शेवटच्या सहाव्या प्रयत्नात नीरजने 82.89 मीटरचा थ्रो नोंदवला. या कामगिरीमुळे क्रीडाप्रेमींमध्ये आनंदाची लहर पसरली आहे.नीरज चोप्राने पॅरिस डायमंड लीगमध्ये मिळवलेल्या विजयामुळे क्रीडा क्षेत्रात उत्साह संचारला आहे. भारतीयांसाठी हा एक अभिमानाचा क्षण आहे, कारण नीरजने जागतिक स्तरावर देशाला यश मिळवून दिले आहे. या स्पर्धेत जगातील सर्वोत्तम भालाफेक खेळाडूंनी नीरजला कडवे आव्हान दिले.जर्मनीच्या जूलियन वेबरने 87.88 मीटर भालाफेक करून दुसरे स्थान मिळवले. ब्राझीलच्या लुइझ दा सिल्वाने 86.62 मीटर भालाफेक करून तिसरे स्थान प्राप्त केले. नीरज चोप्राच्या विजयानंतर सोशल मीडियावर अभिनंदनाचा वर्षाव होत आहे. त्याच्या कामगिरीमुळे देशात आनंदाचे वातावरण आहे. या विजयाने भारतीय भालाफेक क्रीडा प्रकारात एक नवीन उंची गाठली आहे, असे मत अनेक क्रीडाप्रेमींनी व्यक्त केले. नीरज चोप्राने मिळवलेल्या यशाबद्दल त्याचे चाहते त्याचे अभिनंदन करत आहेत .
