नॅशनल स्कॉलरशिप पोर्टलवर अर्ज भरण्याचे आवाहन
ठाणे,दि.01(जिमाका) : ठाणे जिल्ह्यातील टॉप क्लास विद्यालयांच्या याद्या या कार्यालयास प्राप्त झालेल्या असून यादीतील सन. 2022-23, 2023-24 आणि 2024-25 या शैक्षणिक वर्षामध्ये ज्या विद्यालयांनी बोर्ड परीक्षेमध्ये सतत 100 टक्के विद्यार्थी उत्तीर्ण असा निकाल प्राप्त केलेला आहे. अशा विद्यालयातील विद्यार्थ्यांसाठी Top Class Education in School For OBC, EBC DNT Student Under PM YSHSVI-reg. या योजनेंतर्गत ओबीसी, ईबीसी, व डीएनटी प्रर्वगातील गुणवंत विद्यार्थ्यांना इयत्ता 9 वी व 10 वी करीता रक्कम रूपये 75,000/- शिष्यवृत्ती व इयत्ता 11 वी व 12 वी करीता रक्कम रूपये 1,25,000/- शिष्यवृत्ती मिळेल.
अर्ज प्रक्रिया :- राष्ट्रीय शिष्यवृत्ती पोर्टल वर ऑनलाईन अर्ज करणे. अटी व निरीक्षण – आधार लिंक केलेली उपस्थिती प्रणाली आवश्यक. विशेष बाबी – 8 वी 9 वी च्या गुणांवर आधारीत मेरीट यादी.
अर्ज प्रक्रिया :- शिष्यवृत्ती ची रक्कम डीबीटी द्वारे थेट विद्यार्थ्याच्या खात्यात जमा. अटी व निरीक्षण – नियमित उपस्थिती व समाधान कारक शैक्षणिक प्रगती आवश्यक. विशेष बाबी – 10 वी व 11 वीच्या गुणांवर आधारित मेरीट यादी.
अटी व निरीक्षण – इतर शासकीय योजनेंतर्गत एकाच उद्देशासाठी दुहेरी लाभ घेता येणार नाही.
नॅशनल स्कॉलरशिप पोर्टलवर सुरु आहे. पात्र विद्यार्थ्यांनी शिष्यवृत्ती अर्ज मुख्याध्यापक यांच्यामार्फत नॅशनल स्कॉलरशिप पोर्टलवर भरण्याचे आवाहन इतर मागास बहुजन कल्याण विभागाचे सहायक संचालक समाधान इंगळे यांनी केले आहे.
