बदलापूर : येथील कुळगाव बदलापूर नगरपरिषद यांच्या वतीने प्रधानमंत्री आवास योजना (शहरी) अंतर्गत ३०५ सदनिकांच्या संगणकीय सोडतीची घोषणा करण्यात आली आहे. “नशीब आजमावून तर पहा, कदाचित २०२६ हे वर्ष तुमच्या हक्काच्या घराचे गृहप्रवेशाचे ठरेल.” असा संदेश या योजनेद्वारे देण्यात आला आहे.
सोडतीसाठी अर्ज करण्याची अंतिम मुदत ३१ मे २०२६ असून, लकी ड्रॉ ८ जुलै २०२६ रोजी दुपारी १२ वाजता काढण्यात येणार आहे. इच्छुक नागरिकांसाठी अर्ज प्रक्रिया सुरू करण्यात आली आहे.
योजनेसाठी अर्ज करताना ५ हजार रुपयांची रिफंडेबल अनामत रक्कम भरावी लागणार आहे. तसेच अर्ज शुल्क ५०० रुपये आणि त्यावरील १८ टक्के जीएसटी ९० रुपये आकारण्यात येणार असून, एकूण देय रक्कम ५ हजार ५९० रुपये असेल. नगरपालिका प्रशासनामार्फत नागरिकांना अधिकृत संकेतस्थळावर अर्ज करण्याचे आवाहन करण्यात आले आहे. अधिक माहितीसाठी www.kbmc. pmayhome.com तसेच संपर्क क्रमांक ८१०८१०२७९७ वर संपर्क साधावा असे आवाहन करण्यात आले आहे.
