अंबरनाथ : सर्वोच्च न्यायालयाचे सरन्यायाधीश बी. आर. गवई यांच्यावर काल (सोमवारी) एका वकिलाने बूट फेकण्याचा अयशस्वी प्रयत्न केला. यानंतर या घटनेविरोधात देशभरात संतापाची लाट उसळली आहे.
सरन्यायाधीश यांच्यावरील यांच्यावरील हल्ल्याचा अंबरनाथ तालुका वकील संघटनेमार्फत निषेध करण्यात आला. त्यानिमित्ताने तालुक्यातील वकिलांनी न्यायालयीन कामाजातुन अलिप्त राहीले.
सरन्यायाधीश बी. आर. गवई साहेब हे महाराष्ट्राचे सुपुत्र असल्याने राज्यातही अनेक ठिकाणी याचा निषेध नोंदवण्यात येत आहे. सोमवारी सर्वोच्च न्यायालयाचे सरन्यायाधीश बी. आर. गवई यांच्यावर काल एका वकिलाने बूट फेकण्याचा अयशस्वी प्रयत्न केला. ही बातमी कळताच राज्यभरातील वकील बांधवांनी निषेध व्यक्त करत कामकाजातून अलिप्त राहून आंदोलन केले. महाराष्ट्र आणि गोवा बार कौन्सिलने देखील तीव्र शब्दात निषेध व्यक्त करीत हल्ला करणाऱ्या वकिलाची सनद कायमस्वरूपी रद्द करावी अशी मागणी केली आहे.
उल्हासनगर तालुका बार असोसिएशन सोमवारी दुपारी ०२.०० वाजल्यानंतर आपले कामकाजापासुन अलिप्त राहीले तर आज अंबरनाथ तालुका बार असोसिएशन मार्फत या संपूर्ण घटनेचा निषेध व्यक्त करीत आंदोलन करण्यात आले. उल्हासनगर तालुका बार असोसिएशनचे अध्यक्ष संजय सोनवणे यांनी या संपूर्ण प्रकार आपली प्रतिक्रिया देताना सांगितले की, हा हल्ला सर्वोच्च न्यायालयाचे सरन्यायाधीश यांच्यावर नसून संपूर्ण न्यायपालिकेवर आहे. न्यायपालिकेवरील हल्ला कोणत्याही स्वरूपात सहन केल्या जाणार नाही. आम्ही आज शांततामय वातावरणात आमचे आंदोलन करीत आहोत. बार कौन्सिलने तात्काळ हल्लेखोर वकिलाची सनद रद्द करावी. अशी आमची मागणी आहे.
याप्रसंगी ॲड मल्लेश चलवादी, ॲड प्रियेश जाधव, ॲड उमेश केदार, ॲड. संदिप पगारे, ॲड. रवींद्र सोनवणे, ॲड वैशाली बनसोडे, ॲड. मनिषा तायडे गवई व इतर वकील वर्ग
उपस्थित होते.
