सरकारी जागेवरील अतिक्रमण जमीनदोस्त !
अंबरनाथ तहसीलदारांची धडक मोहीम
अंबरनाथ : येथील चिखलोली परिसरातील सर्व्हे नं. १७०, या ३० गुंठे सरकारी जमीनीवर करण्यात आलेले अतिक्रमण तहसीलदार अमित पुरी यांच्या आदेशाने जमीनदोस्त करण्यात आले. या धडक मोहिमेने अतिक्रमण धारकांचे धाबे चांगलेच दणाणले आहेत.
शहराच्या पश्चिम भागातील मौजे चिखलोली येथील सर्व्हे नंबर १७० येथे साधारण ३० गुंठे जमीन सरकारी धान्य कोठारासाठी आरक्षीत आहे. या जमिनीवर येथील स्थानिक लोकांनी अतिक्रमण करून पक्के वाणिज्य गाळे बांधले होते. याबाबत माहिती मिळताच तहसीलदार अमित पुरी यांच्या आदेशाने नायब तहसीलदार दीपक अनारे, मंडळ अधिकारी सुरेश सागवेकर व त्यांच्या तलाठी टीमने अंबरनाथ नगरपालिकेच्या अतिक्रमण विरोधी पथकाच्या साहाय्याने सरकारी जमीनीवरील अतिक्रमण हटवण्यात आले. यावेळी कोणताही अनुचित प्रकार घडू नये यासाठी पोलीस बंदोबस्त देखील तैनात करण्यात आला होता.
तहसीलदार अमित पुरी यांनी केलेल्या धडक कारवाईमुळे अतिक्रमण धारकांचे धाबे दणाणले असून सरकारी जमिनीवरील अधिकाऱ्या ंना खपवून घेणार नाही असाच इशारा जणू अमित पुरी यांनी अतिक्रमन धारकांना दिला आहे.
