अंबरनाथ:नगरपंचायत व नगरपरिषद निवडणुकांच्या तारखा घोषित होताच राज्यात राजकीय हालचालींना वेग आला आहे. काही ठिकाणी अनपेक्षित युती होताना दिसत आहे, तर काही ठिकाणी स्वबळावर लढणार आहेत.याच पार्श्वभूमीवर शिवसेनेचे खासदार श्रीकांत शिंदे यांनी अंबरनाथमध्ये थेट भाजपाला आव्हान दिलं आहे. माजी नगरसेवक कुणात भोईर यांच्या कार्यालय उद्घाटनानंतर ते माध्यमांशी बोलत होते.
शिंदेंचे थेट विधान – ताकद आजमावयाची असेल तर आमच्याकडेही पैलवान तयार आहेत.अंबरनाथची निवडणूक महायुतीतच लढावी ही आमची भूमिका आहे. पण कुणाला स्वबळावर लढायचे असेल तर आमचीही तयारी आहे. ताकद आजमवायची असेल तर आमच्याकडेही पैलवान तयार आहे.
शिंदे पुढे म्हणाले-अंबरनाथ आणि शिवसेना हे एक घट्ट समीकरण आहे.अंबरनाथकरांनी अनेक वर्षे शिवसेनेला भक्कम साथ दिली आहे.ही परंपरा कायम राहील याची आम्हाला खात्री आहे.या निवडणुकांमध्ये नागरिकांनी शिवसेनेच्या पाठीशी भक्कमपणे उभे राहावे.
भाजप जिल्हाध्यक्ष नंदू परब यांनी नुकत्याच झालेल्या कार्यकर्ता मेळाव्यात अंबरनाथ पालिकेत एक लाख टक्के भाजपाचाच नगराध्यक्ष बसणार असा दावा केला होता. यावरच श्रीकांत शिंदे यांनी प्रत्युत्तर देत हे आव्हान दिलं.
नगरपालिकांच्या निवडणुकांचा कार्यक्रम
टप्पा तारीख
उमेदवारी अर्ज स्वीकार 10 नोव्हेंबर 2025
अंतिम मुदत 17 नोव्हेंबर
छाननी 18 नोव्हेंबर
माघार 21 नोव्हेंबर
मतदान 2 डिसेंबर
मतमोजणी 3 डिसेंबर
अधिकृत निकाल 10 डिसेंबर
