बदलापूर : येथील संवेग फारंडेशन आणि प्रेस क्लब
ऑफ बदलापूर यांच्या संयुक्त विद्यमाने ६ जून रोजी शिवराज्याभिषेक सोहळ्यादिनानिमित्याने बदलापुरात ऐतिहासिक विषयांवर व्याख्यान व शिवकालीन पत्रांचे प्रदर्शन भरवण्यात येणार आहे.
यानिमित्ताने शिवराज्याभिषेक काळातील १३ दिवसांचा इतिहास या माध्यमातून उघडला जाणार आहे. बदलापूर पश्चिमेकडील मांजर्ली येथील पाटील बैंक्वेट हॉल या ठिकाणी ६ जूनला सायंकाळी ६ वाजता प्रसिद्ध इतिहास अभ्यासक कौस्तुभकस्तुरे यांचे ऐतिहासिक विषयांवर व्याख्यान होणार आहे. याच दरम्यान शिवराज्याभिषेक काळातील १३ दिवसांचा इतिहास घडत शिवकालीन पत्रांचे प्रदर्शन भरवण्यात येणार आहे. त्यावेळी महाराजांनी राज्याभिषेकासाठी का आग्रह केला? आणि हा राज्याभिषेक सोहळा पार पडत असताना, महाराजांनी काय अनुभवले या संबंधित विषयांवर व्याख्यान होणार आहे. यानिमित्त बदलापूरकरांनी कार्यक्रमाला मोठ्या संख्येने उपस्थिती राहण्याचे आवाहन आयोजकांच्या वतीने करण्यात आले आहे.
